2024 წლის 13 ნოემბერს გრიგოლ რობაქიძის უნივერსიტეტს სტუმრობდა ლონდონში დაფუძნებული სააგენტო „ConceptDigital”-ის დამფუძნებელი და აღმასრულებელი დირექტორი, თენგიზ მესხი. ვიზიტის ფარგლებში გაფორმდა მემორანდუმი, რომელიც ითვალისწინებს მხარეთა შორის ერთობლივი სასწავლო-საგანმანათლებლო, კვლევითი და სამეცნიერო პროექტების განხორციელებას, რესურსების გაზიარებას, ღონისძიებების ორგანიზებასა და პროფესიული კადრების მომზადებას.

შეხვედრაზე თენგიზ მესხს უმასპინძლეს: უნივერსიტეტის რექტორის მოადგილემ, ვახტანგ ჭარაიამ; რექტორის მრჩეველმა, ანა აბესაძემ და საერთაშორისო ინტეგრაციის ცენტრის ხელმძღვანელმა, თამარ თავხელიძემ.

მხარეებმა განიხილეს სამომავლო გეგმები, მათ შორის, სტუდენტური სტაჟირებების ორგანიზების შესაძლებლობები.