ფრანგულ-ქართული უნივერსიტეტი აცხადებს კონკურსს ორთვიანი სტიპენდიის მოსაპოვებლად დოქტორანტურის საფეხურის იმ ქართველი სტუდენტებისთვის, რომლებიც სწავლობენ საქართველოს უმაღლეს საგანმანათლებლო ან სამეცნიერო-კვლევით დაწესებულებაში. ეს სტიპენდია მიზნად ისახავს საფრანგეთში კვლევითი პერიოდის დაფინანსებას, საფრანგეთის უმაღლესი საგანმანათლებლო და სამეცნიერო-კვლევითი დაწესებულების ფარგლებში.

სტიპენდია (2100 ევროს ოდენობით ორი თვის პერიოდისთვის) დაფარავს მგზავრობისა და ცხოვრების ხარჯებს სრულად ან ნაწილობრივ. სასტიპენდიო პროგრამა განხორციელდება 2024-2025 წელს. კონკურსანტებმა უნდა შეადგინონ დოსიე, რომელიც მოიცავს შემდეგ დოკუმენტებს:

• სათანადოდ შევსებული „რეზიუმე“ (“Curriculum vitae”) და „საკვლევი პროექტი“ (“projet de recherche”) (მიბმული დოკუმენტები).
• მოწვევის წერილი ფრანგული სამეცნიერო დაწესებულებიდან, რომელიც თავიანთ გუნდში მიიღებს ქართველ დოქტორანტს ორი თვით.
• პასპორტის ასლი (პასპორტი მოქმედი უნდა იყოს საფრანგეთში სასტიპენდიო პროგრამის დასრულების შემდგომ 6 თვის განმავლობაში). დოსიეები წარმოდგენილი უნდა იყოს ფრანგულ ან ინგლისურ ენაზე. შეფასება დამოკიდებული იქნება მის სამეცნიერო ხარისხსა და კვლევითი პროექტის განსახორციელებლად საფრანგეთში გამგზავრების რელევანტურობაზე. ფრანგული ენის ცოდნა ჩაითვლება უპირატესობად.

დაინტერესებულმა პირებმა დოსიეები უნდა გაუგზავნონ ფრანგულ-ქართული უნივერსიტეტის კოორდინატორს, ევა ბერტრანს, შემდეგ ელექტრონულ მისამართზე: eva.bertrand.ufg@gmail.com

განაცხადის მიღების ბოლო ვადაა 2024 წლის 14 ნოემბერი. საბოლოო გადაწყვეტილება სტუდენტებს ეცნობებათ არაუგვიანეს 2024 წლის 21 ნოემბრისა.

საფრანგეთში გამგზავრების პერიოდია 2024 წლის 1 დეკემბერი - 2025 წლის 1 ივნისი.

დეტალური ინფორმაცია იხილეთ ბმულზე: https://fgu.ge/2020/03/17/%e1%83%a1%e1%83%90%e1%83%93%e1%83%9d%e1%83%a5%e1%83%a2%e1%83%9d%e1%83%a0%e1%83%9d-%e1%83%a1%e1%83%a2%e1%83%98%e1%83%9e%e1%83%94%e1%83%9c%e1%83%93%e1%83%98%e1%83%90/?fbclid=IwY2xjawGRortleHRuA2FlbQIxMAABHbFf4h3vN6vw7grvme1C1V4CfLzfTaQcS4wNl9Rf8x-IJ4JGJQxFbHO3tQ_aem_Fr4eJOVo_5UDOKJ11_BSeA