გრიგოლ რობაქიძის სახელობის უნივერსიტეტში, საბროკერო კომპანია “Traders’ Hub“-თან პარტნიორობით, საქართველოსა და აღმოსავლეთ ევროპის საგანმანათლებლო სივრცეში პირველი სტუდენტური საინვესტიციო ფონდი გაიხსნა.

აღნიშნული ინიციატივა GRUNI-ს სტუდენტებს შესაძლებლობას მისცემს ივაჭრონ ნიუ-იორკის (NYSE) საფონდო ბირჟაზე არა სიმულაციურ, არამედ რეალურ რეჟიმში, ნამდვილი ანგარიშებით და ნამდვილ დროში.

ყოველკვარტალური ანგარიშები ხელმისაწვდომი იქნება უნივერსიტეტის ვებ-გვერდზე. მიღებული მოგება კი ქველმოქმედებას მოხმარდება. აღსანიშნავია, რომ პროექტი ბრიტანულ-ქართული გამოცდილების ნაზავია და მსოფლიოს წამყვანი უნივერსიტეტების პრაქტიკას გაუზიარებს ქართველ ახალგაზრდებს.

პროექტში ჩართვის შესაძლებლობა სტუდენტების გარდა ექნებათ სკოლის მოსწავლეებსაც და სხვა დაინტერესებულ პირებსაც.

პროექტის ინიციატორები არიან: უნივერსიტეტის რექტორი, პროფესორი მამუკა თავხელიძე, რექტორის მოადგილე, ბიზნესისა და მართვის სკოლის დეკანი, პროფესორი ვახტანგ ჭარაია და ტრეიდერთა ჰაბის დამფუძნებელი, გრუნის პროფესორი რატი ქირია.