2024 წლის 17 მაისს გრიგოლ რობაქიძის სახელობის უნივერსიტეტს სტუმრობდა თურქეთის, ტრაპიზონის, ექიმთა დელეგაცია:

მეჰმეთ იუჩიუნჯიოღლის - ტრაპიზონის სავაჭრო პალატის ჯანდაცვის კომისიის პრეზიდენტი;

ჰაკან უსტას - ჯანდაცვის რეგიონული დირექტორი, პროფესორი;

იბრაჰიმ პოლტის - KTU Farabi Hospital - დირექტორი;

იავუზ ჩაქიროღლუს - აჰიევრენის კვლევითი საავადმყოფოს მთავარი ექიმი, დოქტორი;

იილმაზ ბულბიულის - აჰიევრენის კვლევითი საავადმყოფოს მთავარი ექიმი, პროფესორი;

სელამ კარაბულუთის - თურქეთის სახელმწიფოს მიერ აკრედიტებული TR Healing-ის სამედიცინო ტურიზმის გამგეობის თავმჯდომარე, შემადგენლობით.

გრუნის რექტორმა, პროფესორმა მამუკა თავხელიძემ, თურქ ექიმებს მადლობა გადაუხადა სტუმრობისათვის, გააცნო უნივერსიტეტი, მისი საგანმანათლებლო პროგრამები, სასწავლო-სამედიცინო ლაბორატორიები და კლინიკები, მატერიალური-ტექნიკური ბაზა, მათთან ერთად განიხილა შემდგომი თანამშრომლობის საკითხები: სტუდენტთა სტაჟირების, გაცვლითი პროგრამების, გრუნის კლინიკაში თურქ ექიმთა მოწვევის შესახებ და სხვა.

დელეგაციის წევრებმა მადლობა გადაუხადეს რექტორს თბილი მიღებისა და საინტერესო წინადადებებისათვის. მხარეები შეთანხმდნენ თანამშრომლობის გაგრძელების თაობაზე.