26 ივნისს გრიგოლ რობაქიძის უნივერსიტეტში დასრულდა პირველი ქართულენოვანი ბიზნესსიმულატორის ჩემპიონატი სკოლის მოსწავლეებისათვის, რომლებმაც თავიანთი უნარები და სამეწარმეო ალღო იმიტირებულ ბიზნესგარემოში გამოსცადეს.

პირველი ქართულენოვანი ბიზნესსიმულატორი შემუშავებულია სასწავლო მიზნით, გრიგოლ რობაქიძის უნივერსიტეტის პროფესორის მიერ.

ეს არის ინოვაციური კონკურსი, რომელიც შექმნილია ბიზნესის მართვის პრაქტიკული გამოცდილების უზრუნველსაყოფად. პროექტის ფარგლებში მოსწავლეები ეჯიბრებოდნენ ერთმანეთს, იმ გამოწვევებისა და გადაწყვეტილების მიღების პროცესების სიმულაციაში, რომლებსაც მეწარმეები აწყდებიან სხვადასხვა ინდუსტრიაში.

ჩემპიონატის მსვლელობისას მონაწილეებს მენტორობას უწევდნენ გრიგოლ რობაქიძის სახელობის უნივერსიტეტის გამოცდილი ბიზნესპროფესიონალები და ფაკულტეტის წევრები.

ჩემპიონატში მიღწეული საუკეთესო შედეგისათვის 5 მოსწავლეს გადაეცა გრიგოლ რობაქიძის სახელობის უნივერსიტეტის 20%-იანი სასწავლო გრანტი და ვაუჩერი პრაქტიკული ინგლისურის სრული კურსი გასავლელად, რომელსაც სექტემბრიდან გაუძღვება საგანგებოდ მოწვეული ამერიკელი პროფესორი.

პროექტის ყველა მონაწილემ მიიღო სერტიფიკატი.