საქართველოს სტატისტიკის ეროვნული სამსახურის აღმასრულებელმა დირექტორმა, გოგიტა თოდრაძემ, გრიგოლ რობაქიძის სახელობის უნივერსიტეტის ბათუმის წარმომადგენლობაში ჩაატარა საჯარო ლექცია ბიზნესის და მართვის სკოლის სტუდენტებისთვის თემაზე: „საქართველოს სტატისტიკის სისტემის განვითარების ძირითადი მიმართულებები: არსებული მდგომარეობა და სამომავლო გეგმები“.

შეხვედრას უნივერსიტეტის პროფესორ-მასწავლებლები და სტუდენტები ესწრებოდნენ.

გოგიტა თოდრაძემ მონაწილეებს პრეზენტაციის სახით გააცნო ქვეყანაში სტატისტიკის სისტემის განვითარების ძირითადი მიმართულებები და ბოლო პერიოდში საქსტატში განხორციელებული ცვლილებები და სამომავლო გეგმები.

პრეზენტაციის შემდეგ შეხვედრა კითხვა-პასუხის რეჟიმში წარიმართა. სტუდენტებმა და პროფესორ-მასწავლებლებმა მათთვის საინტერესო საკითხებზე დეტალური ინფორმაცია მიიღეს.