პირველად ქართულ საგანმანათლებლო სივრცეში და საკმაოდ იშვიათად გლობალურადაც, World Economic Forum-მა და გრიგოლ რობაქიძის სახელობის უნივერსიტეტმა თანამშრომლობის მემორანდუმი გააფორმეს.

თანამშრომლობა მოიცავს კვლევით, აკადემიურ და პრაქტიკულ ასპექტებს, რაც ქართული მხარისთვის სრულიად ახალი ტიპის შესაძლებლობებს გახსნის და ჩართავს მას მსოფლიო დონის პროექტებში.

მემორანდუმის საფუძველზე, რომელიც WEF-თან ბიზნესისა და მართვის სკოლის დეკანის ვახტანგ ჭარაიას ინიციტივით გაფორმდა, გრუნი ჩაერთვება ისეთ მნიშვნელოვან კვლევით პროექტებში, როგორებიცაა: გლობალური კონკურენტუნარიანობის ინდექსი, მომავლის სამსახური, გენდერული, ინოვაციებისა და ტექნოლოგიების კვლევები და მრავალი სხვა.

გრიგოლ რობაქიძის სახელობის უნივერსიტეტს, აგრეთვე, მიეცემა შესაძლებლობა, WEF-თან თანამშრომლობით, განახორციელოს საერთაშორისო კონფერენციები საქართველოში და ჩაერთოს WEF-ის ღონისძიებებში შვეიცარიასა თუ მსოფლიოს სხვა ქვეყნებში.

აღნიშნული თანამშრომლობა უპრეცედენტოა ქართული საგანმანათლებლო სივრცისთვის და სრულიად ახალი მასშტაბის შესაძლებლობებს უხსნის მას ინტერნაციონალიზაციისა და კვლევითი პოტენციალის გაძლიერების კუთხით.

ვულოცავთ გრუნის მთელ კოლექტივს ამ წარმატებას!