2022 წლის 1-2 ნოემბერს გრუნის ბიზნესისა და მართვის სკოლის დეკანს, პროფესორ ვახტანგ ჭარაიას წილად ხვდა პატივი ყოფილიყო იაპონია-საქართველოს დიპლომატიური ურთიერთობების 30 წლისთავისადმი მიძღვნილი ბიზნესფორუმის მონაწილე და სპიკერი.

ფორუმში მონაწილეობდნენ: საქართველოს მთავრობისა და ბიზნესწრეების წარმომადგენლები, იაპონიის ელჩი საქართველოში და საქართველოს ეკონომიკის სხვადასხვა დარგით დაინტერესებული 50-მდე იაპონელი ბიზნესმენი.

პროფესორმა ვახტანგ ჭარაიამ შეხვედრაზე ისაუბრა იაპონიასა და საქართველოს მჭიდრო თანამშრომლობისა და იმ მიმართულებების შესახებ, რომლებიც მომდევნო წლებში აქტუალური იქნება ქართლ-იაპონურ ეკონომიკურ ურთიერთობებში, მათ შორის: თავისუფალი ვაჭრობის რეჟიმის, პირდაპირი ავიამიმოსვლის, საქართველოს საპორტო, ენერგეტიკულ, ტექნოლოგიურ, სამრეწველო და სხვა დარგებში იაპონური ინვესტიციების მოზიდვის შესაძლებლობის შესახებ და ა.შ.